Дархан сумын гэр хорооллын авто замыг сайжруулах ажлын хүрээнд 1,2 дугаар багийн хар усны үерийн далан дагуу 1,35км замыг сайжруулан засварлаж хайрган хучилттай болгож байна. Уг зам төмөр замын нүхэн гарцтай холбогдон 8 дугаар багийн төв замтай нийлэх юм. Энэ хэсгийн замыг засварласнаар алслагдсан багийн иргэдэд нийтийн тээврийн үйлчилгээг үзүүлэх боломж нээгдэнэ гэж албаныхан үзэж байна.

            Түүнчлэн 1 дүгээр багт хорооллын дотор 650 метр, 3 дугаар багт 400 метр, малчин багт 340 метр хайрган хучилттай авто замын ажил үргэлжлэн хийгдэж байна. Дээрх ажлуудыг "Бумбатдаваа" ХХК гүйцэтгэж байгаа бөгөөд 7 дугаар сарын 27 гэхэд ажлаа хүлээлгэн өгөх төлөвлөгөөтэй байгаа аж.