Дархан-Уул аймгийн Засаг даргын 2017-2020 оны үйл ажиллагааны хөтөлбөрийг хэрэгжүүлэх хүрээнд /2018.06.29/ хүүхдийн хоёр автобусыг “Элит хөгжил” ХХК-д аймгийн удирдлагууд хүлээлгэн өглөө. Аймгийн төсвийн 98 сая төгрөгийн хөрөнгө оруулалтаар Дархан хотын алслагдсан баг хорооллын хүүхдүүдэд зориулан Солонгос улсад үйлдвэрлэсэн уг нийтийн тээвэр нь 33 хүний суудалтай юм байна. Өмнөх хүүхдийн автобуснуудаас даруй нэг дахин суудлын тоо нь нэмэгдэж байгаа нь сайшаалтай юм. Бид бүхний ирээдүй болсон хүүхэд багачууд тэр дундаа алслагдсан багт амьдарч байгаа хүүхдүүд маань ийнхүү өөрсдийн гэсэн хүүхдийн автобусныхаа тоог хоёроор нэмэгдүүллээ.