Булган аймагт Тагнуулын алба үүсч байгуулагдсаны 80 жилийн ойн баярын хурал боллоо. Тус байгууллагад хүч хөдөлмөр, бие сэтгэл, оюун ухаанаа зориулан ажллаж ирсэн офицер, ахлагч, албан хаагчид, Аймгийн ИТХ-ын нарийн бичгийн дарга Д.Батчулуун, Засаг даргын орлогч Ц.Бат-Өлзий нар оролцлоо. Монгол төрийн тусгай албанд өнөөгийн даяаршиж байгаа нийгэмд улсынхаа тусгаар тогтнол, бүрэн эрхт байдлыг хамгаалахын тулд түүхэн туршлага, өв уламжлалаа хадгалсан нэгдмэл тогтолцоо, үйл ажиллагааны мөн чанараа эрхэмлэн ажиллахад нь нутгийн өөрөө удирдах байгууллага хамтран дэмжин ажиллаж байна.
Төрийн тусгай чиг үүрэг бүхий албан хаагчдаас эрхэлсэн ажилдаа амжилт гаргасан хүмүүсийг шагнаж, шагналыг гардууллаа.
Монгол Улсынхаа тусгаар тогтнол, үндэсний аюулгүй байдлын төлөө тангараг өргөж, албан үүргээ нэр төртэй биелүүлж байгаа Тагнуулын хэлтсийн хамт олонд ажлын амжилт, амьдралын хамгийн сайн сайхан бүхнийг хүсэн ерөөе.
