Түмэн олныхоо амар тайван, аюулгүй байдлыг сахин хамгаалж, гэмт хэрэг, зөрчилтэй тэмцэх, түүнээс урьдчилан сэргийлэх, нийтийн хэв журам хамгаалах өндөр хариуцлагатай үүргээ нэр төртэй биелүүлж ирсэн Монголын Цагдаагийн нийт бие бүрэлдэхүүн болон Сүхбаатар дүүргийн Цагдаагийн 1, 2 дугаар хэлтэс, Замын цагдаагийн хэлтсийн цагдаагийн комиссор, генерал, хурандаа, офицер, ахлагч, албан хаагчид, чөлөөнд байгаа ахмадууд, тэдний гэр бүлийнхэнд Монголын цагдаагийн байгууллагын түүхт 97 жилийн ой, Цагдаагийн алба хаагчдын өдрийн баярын мэнд хүргэж, чин сэтгэлийн мэндчилгээ дэвшүүлье.

Ард иргэдийнхээ амар амгалангийн манаанд хүчин зүтгэж ирсэн та бүхэнд дүүргийн нийт иргэд, удирдлагууд, салбар зөвлөлийн гишүүдийн өмнөөс болон хувиасаа талархал илэрхийлье.

Төр түвшин, түмэн олон минь амгалан байж, Монгол төрийн цагдаагийн сүр хүч, сүлд хийморь цагаан шонхор шигээ өөдөө, хийморьтой өнөд мөнх мандан бадрах болтугай.

СҮХБААТАР ДҮҮРГИЙН ИРГЭДИЙН ТӨЛӨӨЛӨГЧДИЙН ХУРЛЫН ДАРГА БӨГӨӨД 

ГЭМТ ХЭРГЭЭС УРЬДЧИЛАН СЭРГИЙЛЭХ АЖЛЫГ ЗОХИЦУУЛАХ САЛБАР ЗӨВЛӨЛИЙН

 ДАРГА                         Э.ГАНБАТ