Дархан сумын 5 дугаар багт байршилтай Жигүүр цогцолбор сургуулийн хичээлийн байрыг 1994 оноос өнөөг хүртэл түрээсийн гэрээний дагуу ашиглаж ирсэн. Учир нь тус сургуулийн барилга ОХУ-ын өмлөлд байдаг объектуудын нэг юм.

             Манай зүгээс улирал бүр түрээсийн гэрээ хийж, Улсын төсвөөс санхүүжилтийг шийдвэрлэж ирсэн. Цаашид түрээсийн гэрээг улирлаар бус урт хугацаагаар хийх саналыг аймгийн Засаг дарга С.Насанбат ОХУ-ын Ерөнхийлөгчийн хэрэг эрхлэх газрын “Хилийн чанд дахь өмчийг удирдах улсын үйлдвэрийн газар”-т хүргүүлсэн юм. Энэ хүрээнд дээрх байгууллагаас өнөөдөр /2018.08.02/ Дархан-Уул аймагт ажиллаж, манай саналыг төв удирдлагадаа уламжлан, тодорхой хариуг 8 дугаар сарын сүүлээр өгөхөөр боллоо.