Нэгдсэн үндэсний байгууллагын ерөнхий ассамблейн 1999 оны тогтоолоор олон улсын Залуучуудын өдрийг жил бүрийн 08 дугаар сарын 12-ний өдөр, Монгол улсын Их хурлын 1996 оны 29 дүгээр тогтоолоор “Монголын Залуучуудын өдөр”-ийг жил бүрийн найм дугаар сарын 25-ны өдөр тэмдэглэхээр болсон. Ингэснээр залуучуудын эрх ашгийг хамгаалах, хүүхэд залуучуудын чиглэлээрх үндэсний хэмжээний бодлого, хөтөлбөрийг залуучуудын оролцоотойгоор боловсруулах, хэрэгжүүлэхэд томоохон дэмжлэг болсон байна. Залуусын хот гэгддэг манай аймаг Монголын Залуучуудын 22 дахь өдрийг угтан Залуучуудын хөгжлийн сарын аяны хүрээнд “Гэрэлт гудамж”-ийн нээлтийг 2018 оны 08 дугаар сарын 25-нд ёслол төгөлдөр зохион явууллаа. Найрамдлаар овоглосон Дархан хотын нийт хүн амын 62 хувийг хүүхэд залуус эзэлж байна.