Аймгийн Засаг даргын захирамж гарч, “Архидалтгүй, нийгмийн хариуцлагатай аж ахуйн нэгж, байгууллага” аяныг 2018 оны 9 сараас 2019 оны 6 сар хүртэл зохион байгуулахаар болов. 

Энэ хүрээнд Цагдаагийн газраас төрийн байгууллагуудаар аяны туг, дэвтрийг аялуулж, архидан согтуурахтай тэмцэх ажилд төрийн албан хаагчдын оролцоог нэмэгдүүлэх зорилгоор олон нийтийн эргүүлүүдийг ажиллуулж эхэллээ. Аяны туг, дэвтэр аймгийн ИТХ-аас эхэлж байгаа ба Цагдаагийн газраас ИТХ-ын дарга А.Ишдорж, нарийн бичгийн дарга Т.Гончигдорж нарт гардуулан өглөө. Аймгийн ИТХ-ын ажилтан, алба хаагчдаас Цагдаагийн байгууллагатай хамтран долоо хоногийн турш эргүүл шалгалтын ажлыг зохион байгуулж, иргэдэд хуулийг сурталчлан гэмт хэрэг, зөрчлөөс урьдчилан сэргийлэхэд чиглэсэн ажлыг хийж гүйцэтгэх юм. Аяны хүрээнд идэвхтэй ажилласан байгууллага, хамт олныг шалгаруулан шагнах аж.