Хангайн бүсийн аймгуудын иргэдийн Төлөөлөгчдийн Хурлын харилцан туршлага солилцох, хамтын ажиллагааг хөгжүүлэх “Хангайн бүс-2018” сэдэвт арга хэмжээ өнөөдөр Хужирт суманд эхэллээ.

Сургалт хэлэлцүүлэг, урлаг, спортын энэхүү арга хэмжээнд Архангай, Баянхонгор, Булган, Хөвсгөл, Орхон, Өвөрхангай аймгийн ИТХ-ын дарга, Нарийн бичгийн дарга, Төлөөлөгчид, Ажлын албаныхан зэрэг 100 гаруй хүн оролцож байгаа юм. Мөн УИХ-ын Тамгын газрын Ерөнхий нарийн бичгийн дарга, төслийн үндэсний захирал Ц.Цолмон болон судлаач Н.Лувсанжав нар ач холбогдол өгөн оролцож байна.