Иргэдээ эрүүл хүнсээр хангах үндэс суурь болсон газар тариалан, мал аж ахуйн салбарыг зохистой бодлогоор хөгжүүлэх, ингэхийн тулд игазар тариалангийн бүс нутгийг тогтоох, тариалангийн талбай, хөрсөө хамгаалах шаардлагатайг онцолж, Засгийн газрын хуралдаанаар хэлэлцэн, шийдвэр гаргана гэдгээ Ерөнхий сайд хаврын тариалалтын үеэр мэдэгдэж байсан бөгөөд Засгийн газраас энэ оны 5 дугаар сард газар тариалангийн бүс нутгийг тогтоон, долоон аймгийн 66 сумын 113 багийг эхний ээлжинд хамруулсан. Энэ хүрээндээ Монгол улсын Ерөнхий сайд У.Хүрэлсүх Сүмбэр суманд үйл ажиллагаа явуулдаг “Өгөөж Сүмбэр” ХХК-ний үр тарианы ургац хураалтын явцтай танилцлаа. Сүмбэр сумын хувьд хүнсний ногоогоо 100 хувь хурааж авсан бөгөөд ургац хураалтын явц 60 хувьтай байгаа юм. Цас орж үр тариа хэвтүүлсэн ч самнаж авах техник ашиглаж байгаа гэдгээ энэ үеэр хэлж байлаа.
