МУ-ын “Засгийн газраас хүүхэд нэг бүрийн авьяасыг хөгжүүлэх зорилтот хөтөлбөр гаргасан. Энэ хөтөлбөрийн хүрээнд орон нутагт өөрийн гэсэн онцлогтой дэд хөтөлбөрийг санаачлан хэрэгжүүлэх боломж юу байх вэ гэдгийг эрэлхийлсэн юм. Манай аймгийн Баян-Өндөр сумын нутагт “Дуут чулуу”-тай Чандмань уул бий. Тэгэхээр энэхүү байгалийн чулуун дээрээ түшиглээд, нутгийн брэнд гаргах боломжтой юм. Тэгээд хүүхэд бүрийн авьяасыг  “Чулуун царгил” хөгжмөөр дамжуулан хөгжүүлэх нь нийтийг хамрах, цаашлаад эх оронч хүмүүжлийг төлөвшүүлэх, дэлхийд Монголыг сурталчлах боломж бүрдэнэ.