Сэлэнгэ аймгийн ИТХ-аас тус аймгийн харьяа сумдын ИТХ-ын дарга, Нарийн бичгийн дарга, ажлын албадын идэвх санаачлагыг нэмэгдүүлэх, ажил мэргэжлийн туршлага солилцуулах зорилгоор нөхөрсөг уулзалтыг өнөөдөр /2018.10.13/ Дархан-Уул аймагт зохион байгуулж байна.
Тус уулзалтыг Сэлэнгэ аймгийн ИТХ-ын дарга Г.Бямбаа нээж үг хэлсэн бөгөөд газар тариалангийн бүс нутгийн хувьд үр тариа хураах ажлын явцын талаар мэдээлэл солилцохын зэрэгцээ 2019 оны ОНХС-ийн хөрөнгө оруулалтын төсвийн төсөлд сумдын ИТХ-ын удирдлагуудаас санал авах зорилгоор энэхүү уулзалтыг зохион байгуулж байна гэв.
Уулзалтын үеэр “Орон нутгийн өмчийн бүртгэл хяналт”, Захиргааны хэм хэмжээний акт, Захиргааны шийдвэрийн хувийн хэрэг бүрдүүлэлтийн талаар, “Хаягжилтын тухай” хуулийн хэрэгжилт зэрэг сэдвээр холбогдох албаныхан мэдээлэл хийлээ.
Мөн сумдын ИТХ-ын дунд спортын 4 төрлөөр нөхөрсөг тэмцээн зохион байгуулах юм.
