Монгол Улсын Засгийн газрын хэрэгжүүлэгч агентлаг Удирдлагын академийн Магистр болон мэргэшүүлэх дипломын улирлын сургалтын 2018-2019 оны хичээлийн жилийн намрын элсэлт 2018 оны 10 дугаар сарын 13-ны 09 цагт орон даяар явагдлаа.

Дархан-Уул аймагт аймгийн Засаг даргын захирамжаар томилогдсон 5 хүний бүрэлдэхүүнтэй ажлын хэсэг уг элсэлтийн шалгалтыг амжилттай зохион байгуулсан юм.

Шалгуурыг хангасан нийт 11 хүн бүртгүүлснээс 10 иргэн шалгалтад орж, Засгийн газрын тэтгэлгээр Төрийн Захиргааны менежмент мэргэшүүлэх дипломын болон магистрын сургалтад 2 хүн тэнцэв.

Мөн хувийн зардлаар төлбөртэй суралцах Төрийн Захиргааны удирдлага, Төрийн Захиргааны менежмент мэргэшүүлэх сургалтад 6 иргэн тус тус тэнцэж, суралцах эрхийн бичгээ гардан авлаа.