Засаг даргын Тамгын газрын Нийгмийн хөгжлийн хэлтэс, Хүүхэд, гэр бүл, залуучуудын хөгжлийн хэлтсээс хөтөлбөрүүдийн хүрээнд хийж хэрэгжүүлсэн ажлаа ИТХ-ын Нийгмийн хөгжлийн хорооны гишүүдэд тайлагнав.
“Жаргалтай гэр бүл”, “Хотын иргэн-Хотын соёл” хөтөлбөрүүдтэй холбоотой Угийн бичгийг хэрхэн хөтлөх, Ургийн баярыг хэрхэн зохион байгуулах, Монгол ёс заншил, эх оронч үзлийг түгээн дэлгэрүүлэх, Үйлчилгээний газруудад хэрэглээний соёлыг сурталчлах, хамт ажиллагааны хүрээнд зохион байгуулагдсан ажлуудын соёлуудыг сурталчлах, нутагшуулах, Соёлын биет өвийг хамгаалах бодлого боловсруулах төлөвлөгөө гаргах, Ухаалаг утас, хорт зуршлаас урьдчилан сэргийлэх зэрэг ажлуудыг хэрхэн зохион байгуулах, иргэдийн оролцоог хэрхэн хангаж буй талаар тэдэнтэй санал солилцож, зарим асуудлууд дээр анхаарч ажиллах тухай зөвлөгөө өглөө. Одоогийн байдлаар Жаргалтай гэр бүл хөтөлбөрийн хэрэгжилт 97 хувьтай, “Хотын иргэн-Хотын соёл” хөтөлбөрийн хэрэгжилт 94 хувьтай байна.
Мөн хурлын хорооны гишүүд хариуцсан асуудлынхаа хүрээнд Засаг даргын Тамгын газрын Нийгмийн хөгжлийн хэлтэс, Биеийн тамир спорт хороо, Боловсролын хэлтэс, Гэр бүл, хүүхэд, залуучуудын хөгжлийн хэлтсүүдийн үйл ажиллагаатай танилцав.
Хурлын хорооноос гарсан санал дүгнэлтийг дүүргийн Иргэдийн Төлөөлөгчдийн Хурлын Тэргүүлэгчдийн ээлжит хуралдаанд хэлэлцүүлэхээр боллоо.
НИЙГМИЙН ХӨГЖЛИЙН ХОРОО
