СЭЛЭНГЭ АЙМГИЙН ОРХОНТУУЛ СУМЫН ЗОЧИД ТӨЛӨӨЛӨГЧИД ЧИНГЭЛТЭЙ ДҮҮРЭГТ ЗОЧЛОВ

Иргэдийн төлөөлөгчдийн хурлын нэгдсэн цахим хуудас

ИТХ-ын нэгдсэн хуудас

Нутгийн өөрөө удирдах байгууллага нь аймаг, нийслэл, сум, дүүрэгт тухайн нутаг дэвсгэрийн иргэдийн Төлөөлөгчдийн Хурал, баг, хороонд иргэдийн Нийтийн Хурал байна. Монгол Улсын Үндсэн хуулийн Тавин есдүгээр зүйлийн 2 дахь хэсэг МУТББ төслөөс санаачлан бүтээв.

СЭЛЭНГЭ АЙМГИЙН ОРХОНТУУЛ СУМЫН ЗОЧИД ТӨЛӨӨЛӨГЧИД ЧИНГЭЛТЭЙ ДҮҮРЭГТ ЗОЧЛОВ

2018-12-04

Өнөөдөр буюу арванхоёрдугаар сарын 04-ны өдөр Сэлэнгэ аймгийн Орхонтуул сумын ИТХ, Засаг даргын Тамгын газрын зочид Төлөөлөгчид Чингэлтэй дүүргийн Иргэдийн Төлөөлөгчдийн Хуралд зочиллоо.
Уулзалтад Чингэлтэй дүүргийн ИТХ-ын Тэргүүлэгчдийн нарийн бичгийн дарга бөгөөд Хурлын ажлын албаны дарга Ц.Алтанцацрал, Удирдлага зохион байгуулалтын хэлтсийн дарга Ж.Ганбат, ИООНХХ-ийн дарга Т.Уламбаяр, Хурлын ажлын албаны ажилтнууд оролцов.

Зочид Төлөөлөгчдөд Чингэлтэй дүүргийн ИТХ-ын Тэргүүлэгчдийн нарийн бичгийн дарга бөгөөд Хурлын ажлын албаны дарга Ц.Алтанцацрал Иргэдийн Төлөөлөгчдийн Хурлаас хийж хэрэгжүүлж байгаа онцлох ажлуудаасаа танилцуулж тэдний сонирхсон асуултад хариулт өглөө.
Уулзалтын дараа зочид Нийслэлийн шилдэг хороогоор 2 удаа шалгарч байсан гуравдугаар хорооны үйл ажиллагаатай танилцаж, 2015 онд байгуулагдсан нийслэлийн хэмжээнд жишиг болсон хүүхэд багачуудын чөлөөт цагийг өнгөрүүлэх тав тухтай номын сан бүхий Хүүхдийн номын өргөөнд зочилсон юм.