УИХ-ын болон аймгийн ИТХ-ын үйл ажиллагааг иргэд, олон нийтэд сурталчлах ажлын хүрээнд мэдээ мэдээллийн цахим самбарыг Дархан захад байршуулан ажиллуулж эхэллээ.
Мэдээллийн цахим самбарыг аймгийн ИТХ-ын нарийн бичгийн дарга Р.Тунгалаг-Эрдэнэ, аймгийн ИТХ-ын дэргэдэх Иргэний Танхимын дарга Л.Гүнчин нар захын удирдлагуудад хүлээлгэн өгч, хэвийн үйл ажиллагааг хангах гэрээ байгууллаа.
Энэхүү цахим самбараас иргэд, олон нийт УИХ-ын гишүүд, байнгын хороодын үйл ажиллагаа, УИХ-ын Тамгын газраас зохион байгуулж буй ажил, арга хэмжээ болон хууль, тогтоомжийн мэдээ мэдээллийг авах боломжтой юм байна. Мөн аймгийн ИТХ-ын цахим хуудас руу нэвтрэн Дархан-Уул аймгийн ИТХ-ын дарга, Тэргүүлэгч, Төлөөлөгчид, Ажлын албаны болон орон нутгийн мэдээ, мэдээллийг иргэдэд шуурхай хүлээн авах юм.


Мэдээ бэлтгэсэн: Х.Соёл-Эрдэнэ