Дархан сумын 15-дугаар багийн иргэн Ц.Оргилсайхан Дархан хотод “Хайрын цэцэрлэгт хүрээлэн” байгуулахыг санаачилсан байна. Шинээр байгуулагдаж буй "Хайрын Цэцэрлэгт Хүрээлэн" төслийн "Ногоон тууз"-ны ёслол энэ сарын 25-ны өдөр болжээ. Тус цэцэрлэгт хүрээлэнг Дархан сумын 15 дугаар багийн "Мангирт" толгой дээр байгуулахаар болж зураг төсвийг хийсэн аж. "Хайрын Цэцэрлэгт Хүрээлэн" төслийн санаачлагч Дархан сумын 15 дугаар багийн иргэн Ц.Оргилсайхан, Бурхантийн газар шороо хөдөлгөөний тэргүүн М.Амарсанаа, Дезерет ОУБ-ын ажилтан С.Чулуунбаатар нар Дархан сумын ИТХ-ын дарга Т.Тулгаатай уулзаж хүрээлэн байгуулах ажилд дэмжлэг хүсэв. Дархан сумын ИТХ-ын хурлын дарга 2015 оны төсөвт суулгахын тулд тус багийн иргэдийн саналыг авч БИНХ-аар асуудлыг оруулж дэмжсэн байх хэрэгтэй гэв. Ингэснээр төсвийн шинэ хуулиар иргэдийн санаачилсан ажлууд хэрэгжиж байгааг зөвлөсөн юм.Түүнчлэн залуучуудын санаачилсан ажлыг дэмжинэ гэдгийг илэрхийлэв.
