Баянхонгор аймагт “Лувсанвандан сан”-гийн шугамаар төдийгүй УИХ-ын болон Засгийн газрын гишүүнийхээ хувиар ямагт бодлого, үйл ажиллагаагаар дэмжиж, орон нутгийн хөгжилд хувь нэмрээ оруулж ирсэн гэж аймгийн удирдлагууд онцоллоо. Тухайлбал, Батлан хамгаалахын сайдаар ажиллаж байх үедээ Баянхонгор аймагт барилгын цэргийн анги байгуулах шийдвэр гаргасан нь өнөөдөр аймгийн бүтээн байгуулалтын гол хүчин болж байгаа, түүнчлэн Гадаад харилцааны сайдаар ажиллах хугацаандаа тус аймагт байнгын ажиллагаатай хилийн боомт нээх асуудалд анхаарал хандуулж ирсэн зэрэгт нь орон нутгийнхан талархалтай ханддаг аж.