Дархан-Уул аймгийн Статистикийн хэлтэсээс эрхлэн Хэвлэлийн бага хурал зарлаж тус аймгийн Нийгэм, эдийн засгийн эхний 10 сарын байдлын талаар мэдээлэл хийлээ.
Хэвлэлийн бага хуралд тус аймаг дахь төв, орон нутгийн хэвлэл мэдээллийн байгууллагуудын сурвалжлагч сэтгүүлчид оролцлоо. Тус хэлтсийн дарга Б.Дэмид-Очир хийсэн мэдээлэлдээ:-“2014 оны эхний 10 сарын байдлаар тус аймагт хэрэглээний үнийн индекс суурь үе болох 2010 оны 12 дугаар сарынхаас 39.9, өмнөх оны мөн үеийнхээс 10.1, оны эхнээс 6.9, өмнөх сарынхаас 1.1 хувиар тус тус өссөн дүнтэй байна. Өмнөх сартай харьцуулахад мах махан бүтээгдэхүүний үнэ 1.1 хувиарь буурсан ч төмс, хүнсний ногооны үнэ 17.2, сүү сүүн бүтээгдэхүүний үнэ 8.5, бусад хүнсний бүтээгдэхүүний үнэ 3.3 хувиарь тус тус өссөн нь хүнсний барааны индекс 1.4 хувиарь өсөхөд нөлөөлсөн. Энэ сард хувцас, гутлын бүлгийн дүн 1.5, орон сууц, түлш шатахууны бүлгийн дүн 2.9, соёлын бараа, үйлчилгээний дүн 3.6 хувиарь тус тус өссөн дүнтэй байна” гэв.
Б.Норовсамбуу