Аймгийн ИТХ-ын Тэргүүлэгчдийн хурлаар өнөөдөр /2019.01.14/ Дархан-Уул аймгийн хэмжээнд гэмт хэрэг, зөрчлөөс урьдчилан сэргийлэх, нийтийн хэв журам хамгаалах үүрэг бүхий Олон нийтийн цагдаагийн тоог баталсан бөгөөд Олон нийтийн цагдаагийн ажилтнуудыг томилон ажиллуулах, сургаж, дадлагажуулахыг Цагдаагийн газрын дарга, цагдаагийн Хурандаа Х.Алтанхуягт даалгав.
Аймгийн ИТХ-ын Тэргүүлэгчдийн хурлаас батлан гаргасан тогтоолын дагуу Дархан суманд 14, Хонгор суманд 2, Шарын гол, Орхон сумдад тус бүр 1, замын хөдөлгөөний аюулгүй байдлыг хангуулах чиглэлээр 3 нийт 21 Олон нийтийн цагдаагийн ажилтан ажиллах юм.
“Олон нийтийн цагдааг ажиллуулснаар Дархан хотын хэмжээнд гэмт хэргийн гаралт буурч нийтийн эзэмшлийн зам талбайд үйлдэгддэг танхай, булаалт, бусдын биед гэмтэл учруулах зэрэг хэргүүдийн гаралт тодорхой төвшинд буурсан” гэж аймгийн Цагдаагийн Газрын дарга, Цагдаагийн Хурандаа Х.Алтанхуяг ярилаа.
