Дархан-Уул аймгийн Засаг даргын 2017-2020 оны үйл ажиллагааны хөтөлбөрт тусгагдсан Дархан сумын 4 дүгээр багийн Дархан–Өртөөний дэргэд хүнсний ногоо, цагаан идээний төвлөрсөн зах байгуулах ажил /2019.01.22/ нээлтээ хийлээ. 2018 оны 08 дугаар сараас эхэлсэн тус барилгын ажлыг “Тотал импекс” ХХК гүйцэтгэсэн бөгөөд Хөдөлмөр нийгмийн хамгааллын яам, Орон нутгийн төсөв, ийн нийт 340 гаруй сая төгрөг зарцуулагджээ. Уг зах ашиглалтад орсноор 100 гаруй байнгын ажлын байр бий болж байгаагаас гадна авто зам дагуу гар дээрээс ил задгай худалдаа эрхэлдэг байдал арилж иргэд эрүүл ахуйн шаардлага хангасан орчноос өрхийн үйлдвэрлэл эрхэгчдийн өөрсдийн тарьж ургуулсан хүнсний ногоо, бэлтгэж боловсруулсан сүү сүүн бүтээгдэхүүнийг ченжийн гар дамжихгүйгээр хямд үнээр шууд худалдан авах боломж бүрдэж байгаа юм.