17 дугаар жарны “Тийн унжлагат” хэмээх шороон Нохой жилийн Дархан сумын Хөдөлмөрийн аваргуудад шагнал гардуулах ёслолын арга хэмжээ өнөөдөр /2019.02.01/ Залуучууд театрын их танхимд амжилттай болж өндөрлөлөө. Нутгийн өөрөө удирдах ёсны байгууллагыг хөгжүүлэх, иргэд, сонгогчдынхоо нийтлэг эрх ашгийг илэрхийлэх, Хурлаас зохион байгуулсан ажлуудын үр нөлөөг дээшлүүлэхэд идэвх санаачлагатай ажиллаж, 2018 оны ажил үйлсээрээ бусдыгаа манлайлсан “ШИЛДЭГ ТЭРГҮҮЛЭГЧ”-ээр З.Эрдэнэбат, сумын  эдийн засаг, нийгмийн асуудлыг иргэдийн ашиг сонирхолд нийцүүлэн хуулийн хүрээнд бие даан шийдвэрлэхэд идэвх санаачлагатай оролцсон сумын ИТХ-ын Төлөөлөгч Б.Оюунчимэг, Б.Лхагвасүрэн нарыг “ТЭРГҮҮНИЙ ТӨЛӨӨЛӨГЧ”-өөр, О.Адъяа даргатай Малчин багийг “ТЭРГҮҮНИЙ БАГИЙН ИНХ”-аар, 12, 13 дугаар багийн ИНХ-ын Тэргүүлэгч Б.Цэдэн-Иш, Д.Уранчимэг нарыг  “БАГИЙН ИНХ-ЫН ШИЛДЭГ ТЭРГҮҮЛЭГЧ”-ээр шалгаруулж өргөмжлөл, мөнгөн шагналаар тус тус шагнасан бол  Дархан сумын ИТХ-ын Төлөөлөгч Э.Дэмбэрэлсамбуу, П.Ихбаяр нарыг Монголын нутгийн удирдлагын холбооны “ХҮНДЭТ ӨРГӨМЖЛӨЛ”-өөр, А.Соронзонболдыг “ТЭРГҮҮНИЙ АЖИЛТАН”-аар, Э.Цогзолмааг дээд шагнал “СОЁМБО” одонгоор тус тус шагналаа.