Дархан-Уул аймгийн Дархан сумын наймдугаар багт шинээр 150 хүүхдийн хүчин чадалтай 27 дугаар цэцэрлэг ирэх сараас эхлэн хүүхэд багачуудаа хүлээн авахад бэлэн болжээ. 2019 оны 02 дугаар сарын 25-ны өдөр аймгийн Засаг дарга С.Насанбат тус цэцэрлэгийн барилга, тохижилтын ажилтай танилцсан юм. Өнөөдрийн байдлаар барилга, тохижилтын ажил бүрэн дууссан бөгөөд зарим хэрэгцээт зүйлсээ авахад орон нутгийн зүгээс дэмжлэг үзүүлэхээр боллоо. Шинээр байгуулагдсан тус цэцэрлэг 2-5 насны цэцэрлэгт хамрагдаагүй хүүхдүүдийн судалгааг гаргасан бөгөөд бүртгэлийг энэ сарын 27-ний өдрийг хүртэл хийхээр болжээ. Тиймээс эцэг эхчүүд сургуулийн өмнөх боловсролд хамрагдаагүй хүүхэд багачуудаа бүртгүүлэх боломжтой гэдгийг цэцэрлэгийн эрхлэгч онцолж байлаа.