Дархан сумын хэмжээнд 2019 оны 01 дүгээр сард 79 гэмт хэрэг бүртгэгдэж, өнгөрсөн оны мөн үетэй харьцуулахад 9,2 хувиар буурсан дүнтэй байна. Үйлдэгдсэн гэмт хэргийн дотор хүний амь бие, эрүүл мэндийн эсрэг гэмт хэрэг 5 үйлдэгдэж 16,6 хувиар, өмчлөх эрхийн эсрэг гэмт хэрэг 35 үйлдэгдэж 25,5 хувиар, тээврийн хэрэгслийн хөдөлгөөний аюулгүй байдал, ашиглалтын журмын эсрэг гэмт хэрэг 1  бүртгэгдэж  өнгөрсөн оны мөн үетэй харьцуулахад  4 дахин буурсан дүнтэй  байна.  Мөн согтуугаар  үйлдэгдсэн гэмт хэрэг 9 бүртгэгдэж 33,3 хувиар өссөн бол гэр, орон сууцанд үйлдэгдсэн гэмт хэрэг 7 бүртгэгдэж 53,3 хувиар, гудамж талбайд үйлдэгдсэн гэмт хэрэг 27 гарч 12,9 хувиар тус тус буурсан дүнтэй байна.  Дархан сумын 3, 4, 5, 6, 7,  9, 10, 11, 12, 13, 14 багуудад гэмт хэргийн гаралт өнгөрсөн оны мөн үетэй харьцуулахад  буурсан, харин 1, 2, 16, Малчин, Өргөө багуудад өссөн дүнтэй байна.