Дүүргийн гадаад харилцаа, хамтын ажиллагааны зарчим, чиглэлийг тодорхойлох, дэлхийн улс орнуудтай найрсаг харилцаа тогтоож, хамтын ажиллагааг өргөжүүлэн хөгжүүлэх, тэдний тэргүүлэх менежмент, шинэ техник, технологи, сайн туршлагыг дүүрэг орон нутагтаа нэвтрүүлэх зорилгоор Чингэлтэй дүүргийн гадаад харилцааг хөгжүүлэх бодлогын баримт бичгийг дүүргийн Иргэдийн Төлөөлөгчдийн Хурлын Тэргүүлэгчдийн Хурлын 29 дүгээр тогтоолоор баталсан.
ИТХ-ын Эрх зүй нутгийн удирдлагын Хорооны гишүүд Гадаад харилцааг хөгжүүлэх бодлогын баримт бичгийн хэрэгжилтийн явцтай танилцаад гадаад улс орнуудтай харилцаа тогтоож, хамтын ажиллагааг эхлүүлж, гэрээ хэлэлцээр хийхдээ цаашид анхаарч ажиллах асуудлуудад саналаа хэллээ.
Өнөөдрийн хуралдаанаар гадаад улс орны болон ОУ-ын байгууллагын тусламж, хөрөнгө оруулалтаар хийгдсэн ажил дүүргийн гадаад бодлогын тэргүүлэх чиглэлд тусгагдсан асуудлуудыг шийдвэрлэсэн байдалтай танилцахаар боллоо.
