Дорноговь аймгийн Сайншанд сумын ЗДТГ-ын хамт олон энэ сарын 27,28-ны өдрүүдэд Дархан суманд ажиллаж сумын ЗДТГ-ын үйл ажиллагаатай танилцан туршлага судаллаа. Сайншанд сум нь 6700 өрхийн 25 мянган хүн амтай. Нийт хүн амын 67 хувийг хөдөлмөрийн насныхан эзэлдэг байна.
     Засаг захиргааны нэгжийн хувьд 7 багтай. Нэг багт нийт 9 хүн ажиллаж, төрийн анхан шатны үйлчилгээг иргэдэд үзүүлдэг байна. Тус сумынхан 2019 оныг “Багийн хѳгжлийг дэмжих жил” болгон зарлаж, анхан шатны нэгжийн үйл ажиллагааны чанар хүртээмжийг илүү сайжруулах зорилго тавьжээ.
     Тэд 2019 оны 03 дугаар сарын 28-нд 5 дугаар багийн “Хамтарсан баг”-ийн тайланг сонсож, харилцан санал бодлоо солилцлоо. Мөн 12, 14 дүгээр багуудын үйл ажиллагаатай, Дархан-Ус суваг ХК, Гэр бүл, хүүхэд, залуучууд хөгжлийн газрын үйл ажиллагаатай танилцаж, Дархан хотын түүх соёл, бүтээн байгуулалтын ажлуудыг ч үзэж сонирхсон юм.