2019 оныг “Гэр бүлийн хөгжлийг дэмжих жил” болгон зарласантай холбогдуулан аймгийн Гэмт хэргээс урьдчилан сэргийлэх ажлыг зохицуулах салбар зөвлөлөөс Шарын гол, Орхон, Хонгор, Дархан суманд “Гэр бүлийн хүчирхийллээс урьдчилан сэргийлэх нь” сэдвийн хүрээнд 2019 оны 4 дүгээр сарын 23-26-ны өдрүүдэд “Нээлттэй хаалганы өдөрлөг” зохион байгуулж байна.

Уг арга хэмжээг Сум дундын иргэний хэргийн анхан шатны шүүх, Прокурорын газар, Цагдаагийн газар, Шүүхийн шийдвэр гүйцэтгэх газар, Нээлттэй хорих 445 дугаар анги, Шүүхийн шинжилгээний алба, Зэвсэгт хүчний 330 дугаар анги, Гэр бүл, хүүхэд, залуучуудын хөгжлийн газар, Эрүүл мэндийн газар, Боловсрол, соёл, урлагийн газар,  Хөдөлмөр, халамж үйлчилгээний газар, Хүчирхийллийн эсрэг Үндэсний төвийн Дархан салбар хамтран зохион байгуулсан бөгөөд Нээлттэй хаалганы өдөрлөг Шарын гол сумаас /2019.04.23/ эхэллээ.

“Гэр бүлийн хүчирхийллээс урьдчилан сэргийлэх нь” “Нээлттэй хаалганы өдөрлөг”-ийн хүрээнд Дархан, Орхон, Шарын гол, Хонгор сумын иргэдэд,  төр, хувийн хэвшлийн байгууллагуудад Гэр бүлийн тухай хууль болон бусад холбогдох хууль тогтоомжийг сурталчлах, хуулийн зөвлөгөө мэдээллүүдийг өгсөн юм.