Дархан сумын Засаг даргын үйл ажиллагааны хөтөлбөр, Дархан сумын Гэмт хэргээс урьдчилан сэргийлэх ажлыг зохицуулах салбар зөвлөлийн ажлын хүрээнд сум орон нутгаас өнгөрсөн хугацаанд "Амгалан-Дархан 1, 2, 3 " хөтөлбөрүүдийг амжилттай хэрэгжүүлсээр ирсэн. Хөтөлбөрийн хүрээнд 2015 онд Дархан-Уул аймаг дахь Цагдаагийн газрын парк шинэчлэлийг 4 машинаар нэмэгдүүлсэн бол өнөөдөр /2019.07.03/ тус газрын Нийтийн хэв журам хамгаалах тасагт "Соната-6" маркийн 2 авто машиныг хүлээлгэн өглөө. Цагдаагийн албаны машин техникүүд 24 цагийн байнгын ажиллагаатай байдаг учир Дархан сумын Орон нутгийн төсвийн хөрөнгөөр олгосон 2 машины 1 жилийн хугацаанд гарах засвар үйлчилгээг Дархан сумын ЗДТГ-аас мөн шийдвэрлэж өгөхөөр боллоо. Машин техникүүдийг ийнхүү нэмэгдүүлснээр гэмт хэргээс урьдчилан сэргийлэх, иргэдийн амгалан тайван амьдрах нөхцөлийг бүрдүүлэхэд ихээхэн ач холбогдолтой юм.