Үер ус, гал түймрийн эрсдэж болзошгүй гамшиг аюул ослоос урьдчилан сэргийлэх, гамшиг осол тохиолдсон үед хэрхэн гарз хохирол багатай даван туулах, иргэдийг дадлагажуулах зорилгоор Чингэлтэй дүүргийн Онцгой байдлын хэлтсээс дүүргийн 7 дугаар хорооны нутаг дэвсгэрийн 10, 11, 12-р хэсгийн жалга дагуух иргэд, гудамж байрны Нийтийн эргүүлүүдэд дадлага сургуулилт хийлгэж, зөвлөгөө заавар өгч ажиллалаа. 
Үйл ажиллагааг 7 дугаар хорооны Засаг дарга Ц.Дуламжав нээж, гамшгаас хамгаалах сайн дурын хэсгийн ахлагч, зөвлөх, сургагч багш Д.Ганболд дадлагыг удирдан явуулж, гамшгаас хамгаалах сайн дурын хэсгийн ахлагч Б.Батцэрэн, Ц.Үүрцайх, дүүргийн онцгой байдлын хэлтсийн гал түймэр унтраах аврах 10-р ангийн ахлах ахлагч Э.Энхмандах захирагчтай үер уснаас хамгаалах бүлэг оролцлоо.