Дархан-Уул аймагт үргэлжлэн орсон борооны улмаас Хараа голын усны түвшин эрс нэмэгдэж үерийн аюултай хэмжээнээс 11 см-ээр давсан хэдий ч голын эрэг дагуу иргэд бага насны хүүхэдтэй амарч зугаалан, архи согтууруулах ундаа хэрэглэсээр байна.

Аймгийн Онцгой байдлын газар, Цагдаагийн газар, Хүүхэд гэр бүл, залуучуудын хөгжлийн газар хамтран Хараа голын эрэг дагуу иргэд олноороо цуглан амарч зугаалдаг гол усны осол гарах магадлал өндөр 4 цэгт гол усны ослоос урьдчилан сэргийлэх “Анхааруулах”, “Хориглох” тэмдэглэгээ бүхий өнгөт самбар байрлууллаа.