УИХ-ын гишүүн Б.Баттөмөрийн санаачилгаар “Бяцхан цүнх” аяныг 4 дэх жилдээ зохион байгууллаа. Энэ хүрээнд өнөөдөр /2019.08.27/ Дархан сумын 4-9 дүгээр багийн 70 гаруй зургаан настангуудыг хамруулж, цүнх болон хичээлийн хэрэгслийг бэлэглэлээ.

УИХ-ын гишүүн Б.Баттөмөр боловсролын салбарт анхаарал хандуулан ажилладаг. Тодруулбал, түүний УИХ-д сонгогдсон тойрог болох 43 дугаар тойрогт өнгөрсөн хугацаанд 4 цэцэрлэгийг ашиглалтад оруулсан бол энэ хичээлийн жилд шинээр 2 цэцэрлэгийн өргөтгөл барьж, хуучин прокрорын барилгыг засварлан цэцэрлэгийн зориулалтаар ашиглах, Оюуны ирээдүй цогцолбор сургуулийн биеийн тамирын заалны өргөтгөл барих, 16 сургуулийн биеийн тамирын талбайг тохижуулах, 18 сургуулийн спорт заалыг засварлах зэрэг олон ажил хийгдэж буй талаар түүний ажлын албаны дарга Г.Батбаяр мэдээлэв.