Батцэнгэл  сумын Засаг даргын нэрэмжит жил бүр зохион байгуулдаг Саальчин бүсгүйчүүдийн сүү цагаан идээ боловсруулах уламжлалт арга барилыг өвлүүлэн үлдээх, тэдний хөдөлмөр бүтээлийг үнэлэх, алдаршуулах, олон нийтэд сурталчилах, цагаан идээний хэрэглээг нэмэгдүүлэх, саальчин бүсгүйчүүдийн нийгмийн идэвхи оролцоог идэвхжүүлэх зорилгоор зохион байгуулсан Батцэнгэл сумын Засаг даргын нэрэмжит саальчин бүсгүйчүүдийн хөдөлмөр бүтээлийн уралдаан, саальчдын хоёрдугаар уралдаан өргөн дэлгэр  болж өндөрлөв. Уг арга хэмжээнд Батцэнгэл сумын 300 орчим залуу малчид, иргэд, албан байгуулагууд, тус сумын удирдлагууд аймгийн ИТХ-ын дарга Б.Өсөхбаяр оролцож үг хэллээ.

 Энэ үеэр “Шилдэг саальчин”, “Хамгийн сүүтэй Монгол үнээ”, “Хамгийн сүүтэй гүү”, “Хамгийн сэтгэлд нийцтэй айраг”, “Хамгийн сайхан ааруул”, "Ээдэм унагаах", “Хамгийн амтлаг ээзгий” шалгаруулах уралдаан, Үндэсний сурын харваа, "Хос морьтон" шалгаруулах уралдаан, Цолгүй залуу бөхчүүдийн тойргийн барилдаан, саальчдын сэдэвтэй мэндчилгээ зэрэг уралдаан тэмцээнээр өрсөлдөж нийлбэр дүнгээр тэргүүн байранд Д.Төгс даргатай Дэл баг, дэд байранд Ж.Мэндбат даргатай Хөнөг баг, Гутгаар байранд С.Нэргүй даргатай Улаанчулуу баг тус тус шалгарч цом мөнгөн шагналын эзэд болсон бол удаах байруудыг Х.Даваадорж даргатай Цац баг, Х.Амарсайхан даргатай Дайр бор баг, Б.Бямбадорж даргатай Баян-Уул баг тус тус эзэлсэн байна.