Дархан-Уул аймгийн Засаг даргын 2017-2020 оны үйл ажиллагааны хөтөлбөрт
Эрчимжсэн мал аж ахуйн хөгжлийг дэмжих дэд хөтөлбөрийг баталсан. Энэ
хүрээнд энэ сарын 27-29-ны өдрүүдэд 4 сумын малчдын хөдөлмөр эрхлэлтийг
дэмжих хөтөлбөрт хамрагдсан 50 залуу малчин Буриад улсын Улан-Үдэ хотын
эрчимжсэн мал аж ахуй эрхэлдэг фермерүүдийн үйл ажиллагаатай танилцаж
мал маллах арга ажиллагаанд суралцсан байна. Тус ажлыг Дархан-Уул
аймгийн ЗДТГ, аймгийн Хөдөлмөр эрхлэлтийн салбар зөвлөл, Хөдөлмөр халамж
үйлчилгээний газар, Хүнс хөдөө аж ахуйн газар хамтран явуулжээ. Залуу
малчид Буриад улсын Улан-Үдэ хотын ойролцоох эрчимжсэн мал аж ахуй
эрхэлдэг фермерүүдийн үйл ажиллагаатай 3 хоног танилцаж туршлага
судалснаар шинэ технологи, инновацыг нутагшуулах бүрэн боломжтой болно.
Мөн сурч мэдсэн зүйлсээ ирэх 11 дүгээр сард Шарын гол суманд болох
малчдын уулзалт зөвлөгөөний үеэр мэдэж сурснаа бусад малчдадаа заан
хамтдаа эрчимжсэн мал аж ахуйг хөгжүүлэх давуу талтай юм. Анх удаа
малчдыг хамруулан хөрш зэргэлдээ улсын эрчимжсэн мал аж ахуйн
фермерүүдээс туршлага судлуулж байгаа нь малчдын мал маллах арга
ажиллагааны чадварт эерэгээр нөлөөлж мах, сүү сүүн бүтээгдэхүүнийг өндөр
ашиг шимтэйгээр боловсруулан төдий хэмжээгээр өрхийн орлогоо
нэмэгдүүлэх боломжтой болно. Цаашид тус ажлыг жил бүр явуулж эрчимжсэн
мал аж ахуйг хөгжүүлэх бодлогыг Дарханчууд өмнөө тавьсан байна.
Иргэдийн төлөөлөгчдийн хурлын нэгдсэн цахим хуудас
ИТХ-ын нэгдсэн хуудас
Нутгийн өөрөө удирдах байгууллага нь аймаг, нийслэл, сум, дүүрэгт тухайн нутаг дэвсгэрийн иргэдийн Төлөөлөгчдийн Хурал, баг, хороонд иргэдийн Нийтийн Хурал байна. Монгол Улсын Үндсэн хуулийн Тавин есдүгээр зүйлийн 2 дахь хэсэг МУТББ төслөөс санаачлан бүтээв.Дархан-Уул аймгийн 50 малчин мал аж ахуйн чиглэлээр туршлага судлав
2019-09-30
