УИХ-ын гишүүн Б.Баттөмөр холбогдох албаныхны хамтаар Оюуны ирээдүй
цогцолбор сургуулийн Спорт заалны өргөтгөлийн барилгын ажилтай танилцав.
Тус өргөтгөлийн ажил энэ оны 8 дугаар сараас эхэлсэн. Өнөөдрийн
байдлаар барилгын суурь тавигдсан байна. Энэхүү бүтээн байгуулалт Улсын
төсвийн 675.6 сая төгрөгийн өртөгтэй бөгөөд гадна инженерийн шугам
сүлжээ нь 200 орчим сая төгрөгөөр хийгдэж байна.
Гүйцэтгэгчээр ажиллаж буй “Гантиг Өргөө” ХХК-ийн Талбайн инженер Т.Эрдэнэбаатар хэлэхдээ: - “ Барилгын ажил 30 хувьтай үргэлжилж байгаа бөгөөд гэрээний хугацаанд буюу энэ оны 11 дүгээр сарын 26-ны өдөр хүлээлгэж өгнө” гэлээ.
