Булган аймгийн ИТХ-ын Тэргүүлэгчдийн ээлжит хуралдаан 2019 оны 11 дүгээр сарын 14-ны өдөр боллоо. Энэ удаагийн хурлаар мал аж ахуйн өвөлжилт, хаваржилтын бэлтгэл хангасан дүнгийн тухай, хүүхэд, залуучуудад экологийн боловсрол олгох хөтөлбөрийн хэрэгжилтийн тухай, аймгийн ИТХ-ын долоо дахь удаагийн сонгуулийн ээлжит XIV хуралдаан зарлах тухай асуудал хэлэлцлээ.

Малчдын эрүүл мэндэд анхаарах, бэлчээрийн доройтолыг багасгах, мал эрүүлжүүлэх арга хэмжээг үр дүнтэй зохион байгуулах, хүүхэд, залуучуудад экологийн боловсрол олгох ажлыг аймгийн хэмжээнд нэгдсэн бодлогоор уялдуулан зохицуулах зэрэг үүрэг чиглэлийг холбогдох байгууллагад өглөө.