Эрдэнэсант сумаас аймгийн иргэдийн Төлөөлөгчдийн Хурлын төлөөлөгчөөр сонгогдсон аймгийн ИТХ-ын тэргүүлэгч Т.Мөнхзориг, төлөөлөгч Ц.Буманбуян нар тус тогтоолын дагуу "Төлөөлөгчийн өдөр" арга хэмжээг 12-р сарын 12-аас 13-ны өдрүүдэд зохион байгуулж байна.
"Төлөөлөгчийн өдөр"-өөр малчдад эрх зүйн мэдлэг олгох, малчдын бүлгийг чадавхижуулах нь сэдэвт сургалт нэвтрүүлэг, Мал хулгайлах гэмт хэргийн гаралтыг бууруулах нь сэдвээр ард иргэд, малчдын дунд хэлэлцүүлэг явуулж санал асуулга авч ажиллаж байна.
12-р сарын 13-ны өдөр аймгийн Нийгмийн хамгааллын салбаруудын "Нээлттэй хаалганы өдөрлөг"-ны арга хэмжээ, мөн аймгийн Цагдаагийн газрын Заамар суман дахь Цагдаагийн хэлтэс, Эрдэнэсант сумын Цагдаагийн хэсгийн "Нээлттэй хаалганы өдөрлөг" арга хэмжээ тус тус зохион байгуулагдах юм.
Мөн УИХ-ын гишүүн А.Сүхбат, аймгийн ИТХ-ын төлөөлөгч Т.Мөнхзориг, Ц.Буманбуян нар иргэдтэй уулзаж иргэдийн санал хүсэлтийг сонсох юм.
