Дархан-Уул аймгийн ГХУСАЗСЗ-ийн 2019 оны 12 дугаар сарын 12-ны өдөр зохион байгуулагдсан хуралд Дархан, Орхон, Шарын гол, Хонгор сумдууд мэдээ тайлангаа танилцуулсан бөгөөд Дархан сумын ГХУСАЗСЗ-ийн дарга Ж.Балжинням Зөвлөлөөс энэ онд хийж хэрэгжүүлсэн ажлаа тайлагнаж, зөвлөлийн гишүүдээс үнэлгээ дүгнэлт авсан юм.
2019 оны 12 дугаар сарын 18-ны өдөр аймгийн ГХУСАЗСЗ-өөс шагналаа гардан авлаа.
Дархан сумын ГХУСАЗСЗ нь гэр бүлийн хүчирхийлэлтэй тэмцэх, хүүхдийг үл хайхрах байдал, дарамт, мөлжлөг, хүчирхийллийн бүх хэлбэр, эрсдэлт нөхцөлд өртөхөөс урьдчилан сэргийлэх ажилд иргэд, аж ахуйн нэгж байгууллага, төрийн болон төрийн бус байгууллагуудын оролцоог сайжруулах, тэдний хамтын ажиллагааг уялдуулан зохицуулах, “Хамтарсан баг”-ийн үйлчилгээг сайжруулахад үйл ажиллагаагаа чиглүүлэн ажилласан бөгөөд 2019 онд үндсэн 2 зорилтын дагуу 26 ажил төлөвлөн зохион байгуулж, 96 хувийн гүйцэтгэлтэй ажиллалаа.
