Аймгийн Засаг дарга Ж.Батжаргал 2019 оны Наймдугаар сард БНСУ-ын Пёнтак хотод зочлон хотын захирагч Жан Чан Сунтай уулзан аймаг хотын хооронд харилцаа хамтын ажиллагаа тогтоох талаар санал солилцож, УИХ, Засгийн газрын гишүүн, Батлан хамгаалахын сайд Н.Энхболдын санаачилга, Пёнтак хотын хөрөнгө оруулалтаар аймгийн Нийтийн номын санд засвар шинэчлэлийн ажлыг эхлүүлэхээр болсон талаар бид өмнө нь мэдээлсэн. Энэхүү ажлын хүрээнд өнөөдөр аймгийн Засаг дарга Ж.Батжаргал тэргүүтэй удирдлагууд УИХ, Засгийн газрын гишүүн, Батлан хамгаалахын сайд Н.Энхболд, БНСУ-ын Пёнтак хотын захирагч Жан Чан Сун тэргүүтэй төлөөлөгчдийг хүлээн авч уулзан, санал солилцлоо.
Нийт 1.2 тэрбум төгрөгийн хөрөнгөөр хийгдэх аймгийн Нийтийн номын сангийн засвар шинэчлэлийн ажил одоогийн байдлаар зураг төсөл боловсруулалтын шатандаа явж байгаа бөгөөд зураг төслийн ажлыг хоёрдугаар сарын 10-ны өдөр багтаан дуусгаж, тендер сонгон шалгаруулалтыг явуулах юм. Ингэснээр уг ажлыг дөрөвдүгээр сард эхлүүлж, зургаадугаар сарын сүүлчээр ашиглалтад хүлээлгэн өгнө гэдгийг онцолж байв.
Иргэдийн төлөөлөгчдийн хурлын нэгдсэн цахим хуудас
ИТХ-ын нэгдсэн хуудас
Нутгийн өөрөө удирдах байгууллага нь аймаг, нийслэл, сум, дүүрэгт тухайн нутаг дэвсгэрийн иргэдийн Төлөөлөгчдийн Хурал, баг, хороонд иргэдийн Нийтийн Хурал байна. Монгол Улсын Үндсэн хуулийн Тавин есдүгээр зүйлийн 2 дахь хэсэг МУТББ төслөөс санаачлан бүтээв.Д.НАЦАГДОРЖИЙН НЭРЭМЖИТ НИЙТИЙН НОМЫН САНГИЙН ЗАСВАР ШИНЭЧЛЭЛИЙН ЗУРАГ ТӨСЛИЙН АЖИЛ 50 ХУВЬТАЙ ҮРГЭЛЖИЛЖ БАЙНА
2020-01-21
