Иргэд сонгогчдынхоо итгэлийг хүлээн орон нутгийн хөгжилд цэцэглэлтэд хувь нэмрээ оруулан ажиллаж байгаа ИТХ-ын төлөөлөгчид, багийн ИНХ-ын дарга нараа алдаршууллаа. 2019 онд ажил үйлсээрээ манлайлан ажилласан ИТХ-ын төлөөлөгч сумын Засаг дарга Д.Цэдэнсодном, төлөөлөгч В.Түвшинсайхан нарыг аймгийн ИТХ-ын дээд шагнал "Соёрхол" одонгоор, ИТХ-ын төлөөлөгч, төрийн банкны теллер Ц.Элбэгбаяр, 2 дугаар багийн ИНХ-ын дарга У.Долгор нарыг "Аймгийн тэргүүний ажилтан" цол тэмдгээр, ИТХ-ын төлөөлөгч, малчин Г.Батжаргал, Г.Энхбат, 4 дүгээр багийн ИНХ-ын дарга А.Эрдэнэбат нарыг аймгийн Засаг даргын Жуух бичгээр шагналаа. Шагнал авсан бүх хүмүүстээ эрүүл энх аз жаргал, сайн сайхныг хүсэн ерөөе. Шагналыг ИТХ-ын шинэ жилийн арга хэмжээн дээр сумын ИТХ-ын дарга С.Гонгор, УИХ-ын гишүүний бие төлөөлөгч, ИТХ-ын төлөөлөгч тэргүүлэгч С.Цэнд, аймгийн ИТХ-ын төлөөлөгч Тэргүүлэгч Д.Ганбаатар, аймгийн ИТХ-ын төлөөлөгч Г.Хоролсүрэн, аймгийн ИТХ-ын Тэргүүлэгчдийн нарийн бичгийн дарга Т.Эрдэнэбат нар гардууллаа.