2020 оны орон нутгийн сонгуулийн үр дүнгээр байгуулагдсан аймгийн Иргэдийн Төлөөлөгчдийн Хурлын Анхдугаар хуралдаанаар төлөөлөгчдийн 70 хувийн саналаар Аймгийн ИТХ-ын даргаар Ц.Жамбалсүрэн сонголоо.

Аймгийн ИТХ-ын Тэргүүлэгчдээр Ц.Жамбалсүрэн, С.Баярмаа, Ц.Буманбуян, Н.Мөнгөнбаяр, Д.Ганбаяр, С.Цагаанбаатар, Л.Төмөрчөдөр, Д.Баярбат, Д.Болормаа, О.Буяннэмэх, Э.Нямдорж нарыг сонгосон бөгөөд Аймгийн Засаг даргад Баянчандмань сумаас сонгогдсон төлөөлөгч Д.Мөнхбаатарын нэрийг дэвшүүлэн төлөөлөгчдийн 100 хувийн саналаар баталж, Монгол улсын Ерөнхий сайдад өргөн мэдүүлэхээр тогтоолыг батлав.

Аймгийн Иргэдийн Төлөөлөгчдийн Хурлын анхдугаар хуралдаанаар аймгийн ИТХ-ын даргаар сонгогдсон Баянцогт сумын төлөөлөгч Ц.Жамбалсүрэнд аймгийн ИТХ-ын дарга Ц.Энхбат аймгийн ИТХ-ын тамгыг гардуулан өглөө.