Аймгийн ИТХ-ын 8 дахь удаагийн сонгуулийн ээлжит 2 дугаар Хуралдаанд /2020.12.04/ аймгийн Засаг дарга  Б.Азжаргал “Аймгийн 2019 оны төсвийн гүйцэтгэл, 2020 оны төсөвт зохицуулалт хийх, 2021 оны төсвийн төслийг танилцууллаа.

Тус Хуралдаанаар 2019 оны төсвийн орлогын гүйцэтгэлийг 26,710.6 сая төгрөг, зарлагын гүйцэтгэлийг 28,542.2 сая төгрөг, тусгай зориулалтын шилжүүлгээр санхүүжих зарлагын гүйцэтгэлийг 37,286.0 сая төгрөгөөр, 2021 оны аймгийн төсвийн орлогыг 21,297.2 сая төгрөг, 2020 оны шилжих үлдэгдлийг 854.9 сая төгрөг, зарлагыг 14,877.9 сая төгрөг, аймгийн төсвөөс улсын төсөвт төвлөрүүлэх орлогыг 2,686.4 сая төгрөг, аймгийн төсвөөс сумдад олгох санхүүгийн дэмжлэгийг 4,903.8 сая төгрөг, орон нутгийн хөгжлийн сангийн хөрөнгө оруулалтыг 4,715.6 сая төгрөг, улсын төсвийн тусгай зориулалтын шилжүүлгийг 43,083.3 сая төгрөгөөр тус тус баталлаа.