Дархан сумын ИТХ-ын хуралдаанаар хэлэлцэх асуудлыг урьдчилан бэлтгэх, санал, дүгнэлт гаргах, Хурлын тогтоол, шийдвэрийн биелэлтийг хянан шалгах чиг үүрэг бүхий хороог байгуулан ажиллуулж Хурлын тасралтгүй, байнгын үйл ажиллагааг хангах, хурлын хяналтын чиг үүргийг хэрэгжүүлэх үүрэгтэй сумын ИТХ-ын хороодыг байгуулж, ажиллах журам, эрхлэх асуудлыг сумын Иргэдийн Төлөөлөгчдийн Хурлын 8 дахь удаагийн сонгуулийн ээлжит 2 дугаар хуралдаанаар /2020.12.14/ хэлэлцэн баталлаа. 

     Тодруулбал Дархан сумын ИТХ нь “Төсөв, өмч, эдийн засаг, гадаад харилцааны бодлогын хороо”, “Хөгжлийн төлөвлөлт, хот байгуулалт, үйлдвэрлэл, худалдаа, үйлчилгээ, инновацын бодлогын хороо”, “Засаг захиргаа хууль эрх зүйн, өргөдлийн хороо”, “Хүний хөгжил, хөдөлмөр нийгмийн бодлогын хороо”, “Байгаль орчин, аялал жуулчлал, хамтын ажиллагаа, гадаад бодлогын хороо” гэсэн 5 хороог байгуулж, хороодын ажиллах журам, эрхлэх асуудлыг баталлаа. 

     Хороод нь эрхлэх асуудлынхаа чиглэлээр сумын ИТХ-ын даргын батласан удирдамжаар хяналт шалгалт хийх, асуудлыг судалж боловсруулах, бодлогын бичиг баримтын хэрэгжилттэй танилцах, шалгаж танилцсан ажлаараа дүгнэлт, санал, зөвлөмж гаргах ба Хурлын хуралдаан, Тэргүүлэгчдийн хуралд оруулж хэлэлцүүлэх асуудлын төсөлтэй танилцан дүгнэлт гаргаж, ажилаа жил, улирлаар төлөвлөн, сумын ИТХ-ын даргаар батлуулан хэрэгжүүлж, гүйцэтгэлийг нь дараа улирлын эхний 10 хоногт багтаан Тэргүүлэгчдэд танилцуулж, тайлагнаж ажиллах юм.