Өвөрхангай аймаг 5 дугаар сарын 10-ны байдлаар вакцинд хамрагдвал зохих 74510 хүнээс 69.8 хувь нь вакцины 1 дүгээр тунгаа хийлгээд байна. Вакцины эхний тунг хийлгэснээс хойш 21 хоногийн дараа 2 дахь тунгаа хийлгэж, улмаар хамгийн багадаа 14 хоног халдвар хамгааллын дэглэм сахин өөрийгөө хамгаалснаар дархлаа тогтоно.
Тийм учраас иргэн бүр халдвар хамгааллын дэглэмээ чанд сахиж, өөртөө болон бусдад амны хаалтаа зүүх, зайгаа барихыг сануулж, хариуцлагатай, зарчимч байдлаар хандах хэрэгтэй бөгөөд Улаанбаатар хотоос ирж байгаа иргэд аймгийн Онцгой комисст мэдээллээ өгөх ёстой гэдгийг аймгийн Онцгой комиссын дарга мэдээллээ.
Б.Чимэглэн
