Японы ядуурлыг бууруулах сангийн буцалтгүй тусламжаар Азийн хөгжлийн банк, хууль зүй, дотоод хэргийн яам хамтран хэрэгжүүлж буй "Хүүхэд эмэгтэйчүүдийн эсрэг гэр бүлийн хүчирхийлэлтэй тэмцэх төсөл" аймгийн Иргэдийн Төлөөлөгчдийн Хурлын дэргэд хэрэгжиж байгаа билээ. Уг төслийн хүрээнд баригдсан Гэр бүлийн хүчирхийллийн хохирогч хүүхэд, эмэгтэйчүүдэд үйлчилгээ үзүүлэх түр хамгаалах байрыг аймгийн засаг даргын 2021 оны 07 дугаар сарын 02 өдрийн А/411 тоот  захирамжаар батлагдсан ажлын хэсэг хүлээн авлаа. Түр хамгаалах байрыг хүлээн авах ажиллагаанд Хууль зүй, дотоод хэргийн яамны Хөрөнгө оруулалт, төлөвлөлтийн хэлтсийн дарга Содгэрэл оролцлоо.