Монгол Улсын Засгийн газрын 2018 оны 209 дүгээр тогтоолоор баталсан “Тогтвортой хөгжлийн боловсрол үндэсний хөтөлбөр”, Аймгийн ИТХ-ын Хуралдааны 2016 оны 10 дугаар сарын 21-ний 04 дүгээр тогтоолоор баталсан ”Ховд аймгийн Ногоон хөгжлийн хөтөлбөр”-ийн 4 дүгээр зорилт, эрх зүйн баримт бичгийн хэрэгжилтийг хангах нь “Тогтвортой хөгжлийн боловсрол” орон нутгийн дэд хөтөлбөрийг боловсруулах нийтлэг үндэслэлээр Тогтвортой хөгжлийн боловсролыг дэмжсэн олон нийтийн оролцоот сургууль, цэцэрлэгийг хөгжүүлж, сургууль бүхлээрээ ажиллах арга, хандлагыг үйл ажиллагаанд нь нэвтрүүлэх зорилгоор аймгийн ИТХ-ын Тэргүүлэгчдийн 60 дугаар тогтоолоор “ТОГТВОРТОЙ ХӨГЖЛИЙН БОЛОВСРОЛ” орон нутгийн дэд хөтөлбөрийг баталсан.

“Тогтвортой хөгжлийн боловсрол” орон нутгийн дэд хөтөлбөрийг дараах 4 зорилтын хүрээнд хэрэгжүүлнэ.

Зорилт 1. Сургалтыг дэмжсэн үйл ажиллагаагаар дамжуулан сурагчдын оролцоонд тулгуурлаж, эцэг эх, иргэдэд тогтвортой хөгжилд чиглэсэн үйл ажиллагааг зохион байгуулах;

Зорилт 2. Тогтвортой хөгжлийн боловсролын үзэл баримтлалыг хэрэгжүүлэх чиглэлээр бүх салбарын хамтын ажиллагааг уялдуулан сургууль бүхлээрээ ажиллах арга хандлагыг нэвтрүүлэх;

Зорилт 3. Тогтвортой хөгжлийн боловсролын мэдээллийг нэмэгдүүлэн, бүх нийтэд хүртээмжтэй, чанартай  үйлчилгээг хүргэх;

Зорилт 4. Тогтвортой хөгжлийн төлөөх сургуулиудын сүлжээг бий болгон сургууль цэцэрлэгүүдэд түгээн дэлгэрүүлэх;

Энэхүү хөтөлбөрт хүүхэд багачууд, иргэд, олон нийт төрийн болон төрийн бус байгууллагууд, багш, мэргэжилтэн, албан хаагчид хамруулж, хөтөлбөрийг 2021-2024 онд хэрэгжүүлнэ.