Аймгийн иргэдийн Төлөөлөгчдийн Хурлын хуралдаан хэлэлцэх асуудлын 3 дугаар буюу Сэлэнгэ аймгийн Засаг даргад нэр дэвшүүлэх асуудлыг хэлэлцэж байна.
Уг асуудалд хуралдааны дэгийн дагуу олонхи болсон намын бүлгээс нэр дэвшигчээ танилцууллаа. Аймгийн иргэдийн Төлөөлөгчдийн Хуралд 23 суудалтай Монгол ардын намын бүлгээс аймгийн Засаг даргад төлөөлөгч, тэргүүлэгч Нацагдоржийн Лхагвадоржийг нэр дэвшүүлэв.
Танхимаас аймгийн иргэдийн Төлөөлөгчдийн Хурлын Төлөөлөгч Жамсрангийн Отгонхүү өөрийн нэрийг дэвшүүллээ.
Харин аймгийн Ардчилсан намын бүлгээс хэлэлцэж буй асуудалтай холбоотой 30 минутын завсарлага хүссэнээр хуралдаан түр завсарлаад байна.
