"Аймгийн иргэдийн Төлөөлөгчдийн Хурлын хуралдааны нийтлэг дэг"-ийн дагуу аймгийн Засаг даргад нэр дэвшигч нь 1 бол төлөөлөгчдийн ил санал хураалтаар 2 ба түүнээс дээш нэр дэвшигчтэй бол нууцаар санал хураалт явуулах юм.

Аймгийн иргэдийн Төлөөлөгчдийн Хуралд 25 суудалтай /олонхи/ Монгол Ардын Намын бүлгээс Нацагдоржийн Лхагвадоржийг аймгийн Засаг даргад нэр дэвшүүлсэн бол танхимаас аймгийн ИТХ-ын төлөөлөгч Жамсрангийн Отгонхүү өөрийн нэрийг дэвшүүлсэн. Иймд төлөөлөгчдийн нууц санал хураалтыг зохион байгууллаа. Нууц санал хураалтын саналыг тоолох тооллогын комиссыг дараах бүрэлдэхүүнтэй байгууллаа. Үүнд: 

Тооллогын комиссын даргаар Төлөөлөгч, Тэргүүлэгч Б.Сэргэлэн

гишүүнээр Төлөөлөгч А.Дэмчигжав, А.Дашбат нарыг томиллоо.

Аймгийн иргэдийн Төлөөлөгчдийн Хурлын V хуралдаанд оролцогч 36 төлөөлөгч аймгийн Засаг даргад нэр дэвшүүлэх асуудалд нууц санал өгч, саналыг тооллогын комисс тоолон баталгаажуулж, тооллогын комиссын дарга Б.Сэргэлэн дүнг танилцууллаа.

Аймгийн иргэдийн Төлөөлөгчдийн Хурлын V хуралдаанд оролцсон 36 төлөөлөгчийн 19 буюу 52.7 хувийн саналаар Сэлэнгэ аймгийн Засаг даргад Нацагдоржийн Лхагвадоржийг нэр дэвшүүлэн Монгол Улсын Ерөнхий сайдад уламжлахаар боллоо.