Байгаль орчны салбарт олон жил үр бүтээлтэй ажиллаж, эрхэлсэн ажилдаа амжилт гаргасан Сэлэнгэ аймгийн Сүхбаатар сумын Тохижилт үйлчилгээний газрын ажилтан Пүрэвийн Баярмагнай, Сампилын Алтанхуяг, аймгийн БОАЖГ-ын мэргэжилтэн Жаргалын Нямцэцэг, Өлзийн Отгон-Эрдэнэ нарыг Байгаль орчин, аялал жуулчлалын яамны сайдын тушаалаар “Байгаль орчны тэргүүний ажилтан” цол тэмдгээр шагнасныг аймгийн иргэдийн Төлөөлөгчдийн Хурлын дарга Б.Нарантуяа гардуулан өглөө.
Пүрэвийн Баярмагнай нь улсад 38 жил ажилласнаас Сүхбаатар сумын ТҮК-д 16 жил, Сампилын Алтанхуяг нь улсад 30 жил ажилласнаас Сүхбаатар ТҮК-д 15 жил ажиллаж байгаа юм.
Жаргалын Нямцэцэг нь аймгийн БОАЖГ-т 13 жил, Өлзийн Отгон-Эрдэнэ нь тус салбарт 12 жил амжилт бүтээлтэй ажиллаж байгаа юм.
