СУМЫН УРЬДЧИЛАН СЭРГИЙЛЭХ ЗӨВЛӨЛИЙН АЖИЛ АМЖИЛТТАЙ ХЭРЭГЖИЖ БАЙНА
Сумын гэмт хэрэг, зөрчлөөс урьдчилан сэргийлэх ажлыг зохицуулах салбар зөвлөлийн 2022 оны ажлын төлөвлөгөөний дагуу “Архины хамааралтай иргэн, архидан согтуурдаг айл өрх болон эрсдэлтэй бүлэгт амьдарч байгаа иргэдийн судалгааг гаргаж, нийт 28 иргэнд “Архины хор хөнөөлийн талаар мэдлэг ойлголтыг өгөх” сургалтыг сумын Цагдаагийн хэлтэс, Эрүүл мэндийн төв, А.А бүлэгтэй хамтран зохион байгууллаа. Мөн сумын А.А бүлэгтэй хамтран ажиллах боломжийг бүрдүүлэн, сургалтад хамрагдсан иргэдэд А.А бүлгийн дарга н.Сундуйжав бүлгийн гишүүдийн хамт үйл ажиллагааг танилцуулан архинд донтох өвчнөөс хэрхэн эдгэрэх аргын талаар санал бодлоо хуваалцлаа. А.А бүлгийн гишүүд дээ тавьдаг цорын ганц шаардлага бол архинаас ангижрахыг зорьсон чин хүсэлтэй байх явдал болохыг санууллаа.
