МУ-ын Засгийн газрын гишүүн, Шадар сайд С.Амарсайхан, УИХ-ын гишүүн Ц.Сандаг-Очир нар Багануур дүүрэгт 2022 оны 03-р сарын 04-ний өдөр ажиллалаа. Энэ үеэр дүүргийн 1-5 дугаар хорооны иргэд, Цагдаагийн хэлтсийн бие бүрэлдэхүүн, Төрийн албан хаагчидтай уулзалтыг зохион байгууллаа.
Үйл ажиллагаанд НИТХ-ын Төлөөлөгч, дүүргийн ИТХ-ын дарга Т.Отгонболд, НИТХ-ын Тэргүүлэгч Засаг дарга С.Даваасүрэн болон холбогдох албаны хүмүүс оролцлоо. Шадар сайд С.Амарсайхан Улсын Онцгой комисс, Засгийн газрын хийж хэрэгжүүлсэн ажил арга хэмжээ цаашид хийх ажлын талаар танилцуулж, УИХ-ын гишүүн Ц.Сандаг-Очир Улсын Их Хурлын 2021 оны намрын чуулганы үйл ажиллагааны хугацаанд хийж хэрэгжүүлсэн ажлын тайлан мэдээлэл УИХ-аар хэлэлцэн баталсан онцлох хууль тогтоомжийг танилцуулж уулзалтад оролцсон иргэд албан хаагчдын сэтгэгдлийг сонсож асуултад хариулт өгч ажиллалаа.
