Аймгийн ИТХ-ын дарга С.Насанбат /2022.02.21/ Цахилгаан дамжуулах Үндэсний сүлжээ ТӨХК-ийн Төвийн бүсийн салбарын Төлөөлөлтөй уулзалт хийж, сургууль, цэцэрлэгийг аюулгүй орчин болгоход хамтран ажиллах тухай санал солилцлоо.
Тодруулбал аймгийн ИТХ-ын Хүний хөгжил, хөдөлмөр, нийгмийн бодлого хяналтын хорооноос санаачлан хэрэгжүүлсэн “Эрсдэлгүй Дархан” аяны хүрээнд хүүхдийн сурч, хүмүүжих орчны цахилгааны аюулгүй байдлын эрсдлийн үнэлгээг мэргэжлийн байгууллагаас хийх юм.
Эрсдлийн үнэлгээ тогтоох үзлэгээр сургууль, цэцэрлэгийн байгууламжид дотор монтаж нь ил, олон залгаатай, шалбархайтай, нэг разетканд олон залгуур залгах, шүгээ, ширээний дотор автомат, гал хамгаалагч зэргээ байрлуулж, цахилгаанаас үүдэлтэй гал гарах нөхцөл байгаа эсэхэд үзлэг хийх бөгөөд илэрсэн зөрчил дутагдлыг газар дээр нь засварлаж, аюулгүй байдлыг бүрэн хангахаар зорьж байна.
